Es hat sich bald ausgenascht.....
- Aus mit naschen von Pralinen und, und, und
- hochgeladen von Luis Walter
....wenn es um unsere Figuren geht, denn die „Naschsteuer“ ist ein neuer Begriff in der Steuerpolitik unserer Politiker. Worum es nun eigentlich wirklich geht ist schleierhaft, denn in erster Linie will man ja „schlanke“ Deutsche mit schönen Figuren, ob man die jetzt durch eine neue Steuer erreichen möchte????
Also oins hat jetzt au dr dümmschte begriffa, es geht deane G’sundheitsaposchtel in dr Politik eigentlich gar net das mir schlanker warrad, sondern ma versuacht sich wieder mal meahr unsere Geldbeutel schlanker zum geschtalta. Net dia leibliche Dicke isch zu dick sondern mir hand no an zu fetta Geldbeutel.
Es ka ja net andersch sei, nach deam dr 1. April scho rum isch, Maischerz gibt es im Brauchtum net, Tabakschteuer nimmt an de Einnahma ab, nau muass ebbes nuies her. So wia ma auf die schnelle mal dia Ökoschteuer eig’führt hat, damit ma weaniger Auto fährt, so isch`s jetzt nau dia „Naschschteuer“, damit ma weaniger nascha duat und so schlanker wird.
Jetzt kommt es nau bloß drauf a was alles num „Naschwerk“ g’heart. Vielleicht muass d’Elisabeth dann angeaba wia oft sia ihren Josef vernascht, der dr Otto sei Angelika? Aber vielleicht wird des dann doch bloß auf dia süße Schokoladeküsschen beschränkt, auf Schokoladenherzchen, auf Chips und Salzstängala. Praktisch alles was a reines Genußmittel und koi Nahrungsmittl isch. Dann isch aus mit Torta und Kuacha, mit Rhabarber und Gogolhupf mit Schlagsahne!!!
Bloß, wenn des nau au net roicht, wenn dann dia Deutsche zwar weaniger nascha deant aber no net schlanker warra deant, was nau??? Nau kommt halt d’Schpätzlaschteuer, Schweinsbrautaschteuer, Schlemmerschteuer, Bananaschteuer, Eisschteuer, Bierschteuer, und was es no net alles gibt. na ja, und nau ka ma ja dia Vergnügungsschteuer au no ausweita, Fitnessschteuer, Wanderschteuer, Radlerschteuer, Konzertschteuer, Dekoschteuer, .....usw.
Bloß, wo deant dia nau des viele Geld na wo se als Schteura einnehma deant??? Ganz klar, es geht alles auf Koschta der Diäta, damit dr Deutsche meahr Diäta macht um dia politische Diäta wieder nauf zum doa!! Oder hand ihr scho mal an Politiker g’seah der freiwillig abg’schpeckt hat wenn’s um sein Geldbeutel ganga isch????
Sie möchten kommentieren?
Sie möchten zur Diskussion beitragen? Melden Sie sich an, um Kommentare zu verfassen.