BOARISCH GREDT (In Anlehnung an den Artikel v. Christl Fischer zum Thema Bairischer Dialekt.)

Bürgerreporter:in

Autor: Heidi K.

aus Schongau

BOARISCH GREDT

Boarisch redn is ned modern,
sogn ganz oft de bessan Herrn.
Runzln sorgenvoll de Stirn,
nix hams drin, im eigna Hirn!

Unsa blaues Baiernland
is am Nordpol no bekannt.
Olle woins de Schlössa seng
und vom Kini a a weng...

Baiernland im Sonnenschein,
a Jagerlebm, samt Jennawein.
Leberkas und Steggalfisch,
Haxn, Knedl, aufm Disch.

Ummasunschd de guade Luft,
aus'm Woid da Kuckuck ruft.
Saubre Burschn, fesche Madl,
Ledahosn, dicke Wadl.

Drom am Bearg, de scheena Kia,
d'Sonna scheint seid in da Fria.
Hock de her, du fremda Bua,
hoidd dei Meii - und gib a Rua!

Hock de her, du fremde Frau,
vasteh ma uns doch ganz genau!
Samma griawig heid beinand,
so is Brauch im Baiernland.

Verse und Foto: Heidi K. 20.06.2012

Bürgerreporter:in: