"Herbsthoamat"

Bürgerreporter:in

Autor: Heidi K.

aus Schongau

- Mundartgedicht -

Vor mia breit' se a' Landschaft aus
an Buidabiachal gleich.
Weit drunt' im Dorf, des oide Haus,
war lang mei' Himmelreich.

De ledsch'd'n Ros'n san vabliad
in mia a' scheena Draam...
A' oanzig's Vogerl singt no liab,
im oid'n Apfebaam.

Schwarz-weiße Woik'n fliang vorbei,
wia Schifferl auf'm See.
Und in da Nos'n riach'i'n schoo,
an Winta und an Schnee.

A' koida Oschdwind bloost se auf,
treibt Blatt'l'n vor se her.
Weit dro'm am Berg, glei bei da Kirch',
bleibt's Aussichtsbankerl leer.

I' sog's eich Leit, kon's soim need glaam:
Da Somma is' vorbei!
Es koo need oiwei Somma sei,
da Winta druckt gaach rei'!

A' frecha, kloana Sonnastrahl,
valafft se in mei Herz...
Iazt san's beinand, hob' goor koa Wahl,
de Freid' und a' da Schmerz.

Bürgerreporter:in: