Was alles so durch den Garten wandert in der Nacht.....
Wia i so ganga bi durch dia Nacht
Hat’s in mei’m Garta ebbes komisch g’macht.
I hau nix g’seah weil’s dunkl g’wea
Und in dem dunkla isch ebbes g’scheah.
Vorsichtig bi i langsam dau na trappt
Damit mi ja au nix an de Fiaß da schnappt.
Und plötzlich, dau war’s dann ruhig,
hau mir denkt, was isch des fer a Zuig.
Wia i mi groaßa Auga nau so guck
Guckad ebbes tatsächlich zu mir z’ruck.
Ängschtlich wia i ja net bi
A bissle genauer no auf dean Boda sieh.
Und nau fangt des wieder zum wandra a
Und schneller wia i des grad no gucka ka
Hau i scho mei Digi g’lada in dr Hand
Und schtand me’m Buckl an dr Wand.
En’s dunkle nei, woiß net recht wo na,
Guck i schnell das i a Foto macha ka.
Hau nemme g’wisst das dr Boris g’sait,
a paar meah auf oimal, des wär g’scheit.
Und wieder raschlad’s en deam Gras
Des dr’zua au war no ebbes naaß,
Doch bis i guck war meah a Ruha
Und des Zuig was g’schlicha isch au zua.
Und wia i nau guck was i fotografiert
Hau i nau g’seah, hau mi geniert,
dr’bei isch des ganz wonderschea
von all de Jauhr mei Hausigl g’wea........
Bürgerreporter:in:Luis Walter aus Krumbach |
13 Kommentare
Sie möchten kommentieren?
Sie möchten zur Diskussion beitragen? Melden Sie sich an, um Kommentare zu verfassen.