Unvorbereitete Bühnenerfahrung………
Zusmarshausen: Schlossgasthof Strasser | In der Regel ist es ja nichts Besonderes auf einer Bühne zu stehen. Meist weiß man ja auch was einen dort erwartet und ob man etwas sagen darf, muss, oder ob man eine Ehrung bekommt. Wenn man allerdings aus dem Stehgreif heraus auf die Bühne geholt wird, und das noch von einem großen Showkünstler bei einer herzergreifenden Show, so kann einem schon mal der Schweiß ausbrechen…….
Ganz ahnungslos schtasch dau en voarderschter Roiha auf und machsch a scheanes Bild vom Schtar. Der merkt des und schwätzt oin glei drauf a, näher sollsch zu eahm na. Des wär ja koi Problem, ma isch ja net schui. Also gasch weiter furre, bleibsch an dr Bühne schtau und willsch eahn so fotografiera. Aber er isch ja dr Schtar, er derf saga wia er’s hau will. Nau will der doch glatt dass i auf Bühne nauf gang und eahn von oba raa knipsa dua. Na ja, au koi Problem, doch nau lauft alles plötzlich ganz anderscht.
Nemmt der mir doch glatt mei Diggi aus dr Hand und geit se ra junga Frau unda an ma Tisch. Dia soll jetzt von uns zwoi a Bildle macha. Na ja, au des isch ja schea, i und a groaßer Schtar Namens Chris Kolonko auf eim Bild, hat ma ja au net alle Daa. Wia i aber nau wieder von dr Bühne raa will, ladd der mi net gau, i soll mit eahm danza. Nau will der von mir no wissa ob i au von Zus wär, schtolz hau i g’sait „Noi, i bi von Krumbach!“ I hätt ja mit eahm au auf Schriftdeutsch schwätza kenna, aber em Rundfunk hat ma von mir au schwäbisch verlangt, und nau hau i des au no als Einlage g’seah, und d’Lacher vom Publikum naturlich au auf meiner Seita g’hett.
Mei Gott, wenn dia Frau dau au a Frau g’wea wär, hau der scho en d’Auga guckad, aber i hau ja g’wisst, der Chris isch a Ma und i net verkehrt rum. I hau nau scho a wenga mit meiner Hüfte g’wacklad, sia an dr Hand g’nomma und mi a wenga dollpatschig a’gschtellt. Wenn i alles so perfekt g’macht hätt wia dr Chris, nau wär’s ja langweilig g’wea, und so hau i mi nau auf deaner Bühne ganz guat g’schlaga und no mal a paar Leit s’Wasser aus de Auga rolla lau.
Ja und wia i nau wieder von dr Bühne hunda war, d’Show vorbei war, dau send d’Leit glei auf mi zuakomma und hand mi g’fraugat wo se denn dia Bilder seah kennad. Mei Kart von myheimat hau i ja dr’bei g’hett. Und wia man au all g’sait hat i häb des toll g’macht, ja sogar oina g’moint hat, dr Chris und i, mir wärad a guates Team, muass i eahn doch mal frauga was er denn jedesmal fer so an Auftritt zahlt. Ja mei, kloi muass ma a’fanga und moischtens kommt oim ebbes zuag’floga ohne dass ma es voarher g’seah hat. Vielleicht schpreng i nau a mal ei wenn em Chris sei Freind, dr Jan Peters aus Berlin weaga ra Aschewolke vielleicht net fliaga ka……………………………
Mit dem Aktivieren des Buttons erlauben Sie einen begrenzten Datenaustausch mit Facebook. Mehr dazu rechts unter .