Schneeafläckle, Weißräckle
Schneeafläckle komm, mach weiß die Welt,
damit dees Weiß dia Nacht erhellt.
Dei Glitzra dort en Wald ond Flur,
fall endle ra en oinr Duar.
An haufa Schneea den hätt i geara,
wann weard jetzt endle Wentr weara.
Weards daura no a langa Zeit,
bis endle dann em März mol schneit?
Kurz vor am Oschtrhas weards sei,
no schneisch ons du gewaltig ei.
Schneeafläckle fall jetzt ra aufs Land,
no leg i ah mei warmes Gwand,
gang nauß ond frei me an dr Pracht,
was fier me earscht an Wentr macht.
Wia gera det i jetzt Schneeaballa,
doch Schneeafläckle, du muasch au falla.
I bitt recht schea komm endle ra,
leg di auf Baim ond Wiesa na.
Doch isch fiar di no it so kalt,
drom isch no grea bei ons dr Wald.
Schneeafläckle es währ net vrkehrt,
breng Kälte mit, dass Wentr weard.
© Dieter Elmer
Hallo Dieter,
ich finde deinen Beitrag wie alle deine Geschichten wieder sehr schön und sehr gelungen. Ich freue mich immer wieder deine Verse zu hören oder zu lesen. Ich wünsche dir weiterhin viel Erfolg und mache weiter so.
Liebe Grüße an Manuela von Evi aus Hanstetten
Tja Dieter, jetzt bisch Du erheart worra,
hat a weile braucht, Weihnächta hätt's no net sei wolla,
aber of Heilig Drei Keneg na, wia's ja so oft scho g'wea,
isch Wenter, weiß ond schea....
werr heit au no an Schpaziergang macha....
und a guat's Nuis Dir no.....
Au Dir Luis, no guats Nais ond i hoff fiars nuje Joahr, dass mir zwoi irgendwo mol zammkommand.
Ja des denk i scho au a mal.........
übrigens war i em alta Jauhr en de letschte zweoi Wucha voar Weihnächte glei zwoimal en Bobinga, dienschtlich beim Höss, ebbes an Material abg'holt.....
Mit dem Aktivieren des Buttons erlauben Sie einen begrenzten Datenaustausch mit Facebook. Mehr dazu rechts unter .