Grad vom Himml ra …….

Bürgerreporter:in

Autor: Luis Walter

aus Krumbach

10Bilder

Grad ra vom Himml duats schneia,
duat an Haufa Schnea her keia,
jetzt, wo ma g’moint doch hätt
dass es bald Friahling wett.

Jetzt am Aubad, en dr Nacht
So so viel Arbad morga macht,
des hoißt, mei Gott, friah raus
und zum Schneaschiaba naus.

Dr’bei hätt i doch scho um’s Haur,
ja, des isch frei wirklich wauhr,
da Schneaschieaber demontiert,
Gott sei Dank han i’s net probiert.

Doch, wer woiß es denn heit scho
Ob’s morga schneit au wirklich no
Oder gar scho meah regna duat,
na ja, wär au net grad b’sonders guat.

So werr i mi halt ganz en dr Friah
Ganz dick und wara a nau ziah
Und, wenn es muass a so sei
Gau zur Schnearaumerei………..

Bürgerreporter:in: