So zum kleinen Tageslauf......

Scho am früha Morga
Macht ma sich Sorga
Dass ma ebbes verpassa könnt.
No net aus em Bett hussa
Duat ma sSchätzle kussa
Und dann glei an PC hin rennt.

Des allerneuste Wissa
Dät ma ja scho vermissa
Am frisch gedeckta Frühschtückstisch.
Tageszeitung leasa
Isch scho geschtern g’weasa
Weil dau eh nix b’sonders drinna isch.

Schnell und voll Reschpekt
Gad ma nei ins Internet
Und mach d’myheimat-Seita auf.
Dau schtad dann drenna
Was koiner könnt no kenna
Und isch so ganz b’sonder sauguat drauf.

Ma duat leasa, schreiba
Was an Zeit duat bleiba
Und frühschtückt ganz neabazua.
Im Büro, wo au immer
Myheimat fehlt heit nimmer
Und ohne hätt ma gqar koi Ruah.

Mache Schtammtischzeita
Müssad drunter leida
Weil ma grad was neues heit meah g’seah.
Und an Kommentare
Kommad ganze Schare
Wo ma au sein Senf dr’zua muass gea.

Manch’s Hobby isch vergessa
Was ma so hat no besessa
Und dr Partner schpürt‘s so langsam au.
Dr Computer in dr Mitte
Wird zu mancher neua Sitte
Und a jeder hat des nu mal zum verschtau.

Myheimat g’heart zum Leaba
Und duat oim au so viel geaba
Was oim bisher alla wie scho richtig g’fehlt.
Dia Zeit duat so verrenna
Und ma edät no öfters kenne
Weil myheimat zur Nummer eins ja zählt.