Dia Poscht – flexibl und Kundafreundlich.....
- hochgeladen von Luis Walter
...so kennt ma des scho saa. Flexibl und schnell, voar allem dann wenn es um's umziah gad, en nuie Läde. Denn kaum hat ma sich an oin g'wöhnt und ma woiß wo ma na muass, nau kommt scho wieder a nuier Lada en Betracht. Und dau soll natürlich dr Kunde immer no schea Freundlich bleiba, des bedeutad dann Kundafreundlich. Na ja, und Service hand se ja au an guata, denn so schnell ka ma gar net gucka wia dia Poscht scho wieder d'Läda nui eirichta duat das alles lauft, au wenn ma se dann a paar Wucha schpäter wieder zua macht. So wars bei dem PoschtPoint beim Knöfl, ma hat scho g'wisst das a paar Meter weiter a nuier Lada, des mal en ma Reisebüro, aufmacht, hat ma em Knöfl no schnell a nuie Einrichtung verpasst. Vier Wucha schpäter wieder abg'holt. Des nennt ma nau Arbeitsbeschaffungsmaßnahme bei dr Poscht. Na guat, dr'für wed halt am Montag bald koi Poscht meah komma, denn irgendwo muass ja wieder eig'schparad werra. Das ma en Krumbach wieder zwoi Anlaufschtella hat, so hat jetzt dr nuie Edeka, dussa wo friaher dr Marktkauf war, der ja au em Edeka g'heart, an PoschtPoint und Parkplätz. Des hat ma henna em Reisebüro koine, dau muass ma Päckla scho weiter trage, und au des Geld, des ma dau abhola ka, weil au bloß dau Poschtbank isch. Echt flexibl und Kundafreundlich und Bürgernah........
Ja, es isch scho a wenga guat schwäbisch, grad zum leasa, aber ma muass es mal mit laut leasa probiera und schon funktioniert des......
Wia i sieh, Dieter, so isch des oifach als so a Art Poscht - Virus anzumseah der dau um gad. Em Gegasatz zu ons, wo ma bloß a Reise buacha ka bis ma dra kommt, vielleicht no gegaüber a Eis essa, wenn's net grad Wenter isch, so ka ma bei ui scho a mal an Döner essa,
wobei i guat drauß au verzichta kennt, a Leaberkässemml wär mir dau scho liaber................