Volkstrauertag ...

Volkstruurdach -

wat schall dat heeten?
Moakt dat Minsch een rein Geweeten,
hoapt he, dat sükk een an keert,
ov glövvt he, dat Welt wat togeläärt?
An d’ Volkstruurdach dor hört man d’ scheeten -
överall up disse Eer -
sücht Düwels Öl in d’ Füür ringeeten,
toglieks hört man eer grood Geräär,
dat man doch to de Gooden tellt
un blods de annern sünd de Schlechten -
un doarüm givt dat Kreech in d’ Welt
üm to bewoahren Minschens Rechten.
De Liekenstäen word’n groot un grötter,
nümms kann de Krüüzen bold mehr tellen -
dor givt dat denn doch rein noch Spötter,
de benöömen dat as Schicksoals Wellen.
An d’ Kreech word överall verdeent,
dor word dat Geld to blöderk Bargen
wiel Kreech sükk Lääven üm Lääven leent
deit man sükk furss ok wieder targen.

ewaldeden