Plattdeutschabend. 27. Februar 2020 – 19. 30 Uhr Sporthof Stelingen
„Am Aschermittwoch ist alles vorbei...“ Düsset Karnevalsleed kennt meist jedeen. Will seggen, doar sünn wi mit uns Thema haarscharp dran. Nachlese sautauseggen. Wi kieket, wat dat mee Karneval up seck het, dat Bedüden un wat bi´n Karneval oder Fasching lopen deit. Ok wat de een or annere belevt het. Vandage un tau´n Bispill vorre sößtig, söbentig Joahrn. Het seck wat ännert?
Männig een Schrieversfru or Schrieversmann het ok lütje Vertellses doartau schreben. Mal seihn, wat seck da inne Bäukers finnen deit. Viellicht is een ja ok mal inne Karnevalhochburg doarbi ewesen, sau as Köln, Düsseldorf or Mainz. Denn het man säker wat tau vertellen.
Und: Wat wi meist nich (mehr) weiten: Hannover het, in de Kurfürstentied 1692, am Hofe Karneval fiert, seß, söben Weeken lang. Mee hooge Herrschaften, grote Kledasche, beistig veel Klunkern an Arms und Hals, mee Oper, Schauspeel, Glücksspeel, Danz und Konversatschon. Just sau as bi Ludchen de Veerteihnte in Paris.
Nies ut de Platt-Landschaft: Wi hebbet nie Informatschonen tau dat Thema
Plattdüütsch in de Schaule.
Sei sünn´ von Harten willkommen, wat Sei nu kört or tauhört.
Jürgen B. Hartig
Interessengemeinschaft Plattdeutsch Stelingen
Bürgerreporter:in:Jürgen B. Hartig aus Garbsen |
Kommentare
Sie möchten kommentieren?
Sie möchten zur Diskussion beitragen? Melden Sie sich an, um Kommentare zu verfassen.