Es weihnachtet schon sehr…..

……zwar noch nicht in einem jeden selbst, aber unser Umfeld weist uns darauf hin. Nun gut, in sechs Wochen ist ja auch schon Heilig Abend, in sieben Wochen das Jahr um. Und letzten Endes ist in zwei Wochen der erste Advent. Dann darf auch schon mal mitte November ein Weihnachtsbaum einen Marktplatz zieren, noch ist er ja grün, noch ist keine Beleuchtung drauf. Es könnte ja aber die nächsten beiden Wochen schweren Schneefall geben, dann wäre keine Zeit mehr für den Christbaum……

Allawei schneller lauft dia Zeit,
no nia ja so schnell grad wia heit.
wenn ma se doch fanga kennt
dass se oim net dr’vo rennt.

Des Jauhr ja erscht a g’fanga hat
und jetzt scho bald am Ende meah schtad,
was isch wohl dr’zwischa g’wea,
ja ma woißt es oft net meah.

Grad hat doch no ganz ungeniert
dr Oaschterbaum da Marktplatz ziert,
isch’s net glei au wonderschea
dau da net dr Moibaum g’wea.

Dean hat man au scho recht friah g’fällt
weil ma’s zum Sommerfescht so g’wellt,
ja und war doch net erscht au
en deam Jauhr dr Sommer dau.

Ja und grad au seit deaner Zeit
schtad au dr Flexibus scho bereit,
isch em Juli doch grad g’wea
wo er eig’wiah wonderschea.

Dau war oim dr herbscht gar no g’schenkt,
koi Mensch hat an dean dau no denkt,
und jetzt senn mer mitta denn,
hat scho Weihnächta em Senn.

Jetzt schtad au dr Chrischtbaum heit scho,
Advent isch ja grad heit net no,
au dr Kathreitanz schtad a,
isch gar guate acht Däg na.

Damit oifach des G’schäft au lauft,
em Herbscht au scho weihnachtlich kauft,
weds en a Paar Wucha meah
Oaschteroier scho meah gea……..

© by Luis Walter / 12.11.09