An guda Rutsch ens nuie Johr
- Prognose 2021
- hochgeladen von Dieter Elmer
Nuijohrwunsch
Fiar´s neie Johr do wünsch i eich,
em Herzle allwei Frieda.
Viel Sanftmuat macht dia Seala reich,
allzeit sei´s eich beschieda.
Em neia Johr soll´s eich gelinga,
worauf ma lang scho wartet.
Gar recht viel Fraid des soll´s eich bringa,
ond das ma recht guat startet.
A Gsondheit fiar a ganzes Johr,
koi Krankheit koine Sorga.
No stoht a guate Zeit bevor,
ond Fraid an jedam Morga.
Bleibt´s allawei so wia ihr seit´s,
genießt des bissle Leaba.
Aus eiram Lacha macht´s koin Geiz,
des miaßt´r weitr geaba.
Gibt´s all dean Froahmuat immr weitr,
damit a jedr lacht.
Durch´s Lacha weard dr Hemml heitr,
au wenn´s mol furchtbar kracht.
© Dieter Elmer
Bürgerreporter:in:Dieter Elmer aus Bobingen |
Sie möchten kommentieren?
Sie möchten zur Diskussion beitragen? Melden Sie sich an, um Kommentare zu verfassen.