Am Königsweiher
Manchmal, durch Zufall, wenn es den überhaupt gibt, kommt man an ein Fleckchen Erde, auf ein paar wenig hundert Quadratmeter, befindet man sich halb im Paradies. Ein von privater und Familienhand angelegtes Stück Erde, einem schönen Weiher in der Mitte, die Frühlingssonne lacht vom Himmel, wie kann man noch schöner, besser, leichter, lieber die Seele baumeln lassen……………………
Mach d’Auga auf und guck de om,
egal wo du au bisch.
wia schea isch es doch um uns rom,
oft viel zu leicht vergisch.
Am Königsweiher sieht ma viel
bei uns em Kammeltal,
Ma kriagt fer dia Natur a G’fühl
auf’s Nuie all meah mal.
Wenn d’Sonna scheane Bilder mault
erfreit sich glei des Aug,
es isch als wenn wia d’Seel wett krault,
ja so hat es da Taug.
A Schpiaglbild von Schatta g’macht
des en des Wasser fällt,
so wunderschea, es isch a Pracht,
isch des kloi Schtuck Welt.
Es kommt all auf da Blick meah a,
von wo und wia ma’s sieht,
an was ma sich begeischtra ka,
ja was mit oim dau g’schieht.
Ma ka sei Seel schea baumla lau,
vergessa Sorg und Leid,
ka’s au so macher net verschtau
en uns’ra heit’ga Zeit.
Ma fährt heit en dr Welt omnand,
bis en des henterscht Eck,
flackt dau an so ma ferna Schtrand
zwischa Touristadreck.
Dr’bei liegt oft dahoi ganz pur
scho fast des Paradies,
am Königsweiher dia Natur,
isch es ja scho ganz g’wies………….
© by Luis Walter / 26.04.2010
Mit dem Aktivieren des Buttons erlauben Sie einen begrenzten Datenaustausch mit Facebook. Mehr dazu rechts unter .