In Krumbach isch es Weihnacht

Bildergalerie: 6 Bilder

Mindelheimer Straße

Zwar lasst uns dr Winter heuer a bissale im Schtich, denn a weißa Weihnacht wär halt schio schea. Doch dia Temperatura sinkad und mir nemmad mal es so wia es isch. Und dennoch hat sich Krumbach, Dank Werbegemeinschaft und schtädtischer Bauhof, in a glänzende Schtadt verwandelt.

An Weihnachtstraum erfülla,
des ka´sch überall,
ka´sch deine Sehnsüchte schtilla,
vielleicht a Fahrt en´s All.
Dia herrlich g´schmückte Schtraußa verleihat dir an Flair,
des isch durch´s ganze Krumbach, lauf´sch du durch, kreiz ond quer.

Wia s´Chrischtkind isch mal g´floga
Hat´s onser Krumbach g´seah,
dann isch´s glei ronder boga,
glei so a Freid isch g´wea.
Jetzt hängat an deam Chrischtbaum, voar´m alta Rathaus da
Glei übe hondert Kugla ganz weihnachtlich dau dra.

En Krumbach isch es Weihnacht wia´s scheaner kent net sei.
Des isch a grad so ohne Schnea,
soll´s mal meah koin Wenter gea,
en Krumbach isch´s all fei.
En Krumbach isch es Weihnacht ond jeder kommt dau her.
Krumbach in seinem Weihnachtsg´wand
Isch g´schmückt für d´Schtadt ond für des Land
Im stimmungsvolla Flair.