Freiwillig..............

Aha - Aha- Aha

Freie Willige oder willige Freie??? Wie man es auch immer drehen und wenden möchte, ohne Pessimistisch zu sein, ist richtig dass manuns auffordert freiwillig freie willige zu sein, um in dem Glauben zu bleiben willige Freie zu sein........

Mei, send mir doch freie Leit
So wia es sia neanads geit.
Und des kloine bissle G’setz
Isch doch überhaupt koi Hetz.

Freiwillig derf mer zum Raucha gau
Und dußa da blaua Dunscht naus lau.
Wer des net will gad en Raucherclub nei
Und neablad em Wirt sei Bude ei.

Freiwillig tank mer da teura Schprit
Und koiner kriagt des so richtig mit.
Bauad freiwillig au Ruaßfilter ei
Dass no lang bleib fer uns dr Sonnaschei.

Freiwillig zahl mer Schteura geara
Das em Schtaat duat’s Geld vermeahra.
Geara send mir dau ganz sozial
Und ganz recht fleißig au zur Wahl.

Freiwillig deant mir an dr Heizung schpara
Und se auf dr ganz untra Schtufe fahra
Damit dr Schprit fer dia Groaße roicha duat
Weil des duat deane doch a so arg guat.

Freiwillig werr mer nemme krank
Und kriagad dafür sogar au no an Dank
Weil Krankakass viel weniger braucht
Ond nemme aus em letzschta Loch raus raucht.

Freiwillig zahl mer meah en d’Rente nei
Damit mir nau deant no an letschta Schrei
Wenn mir en d’Rente komma deant
Und s’Radiesle nau von unta seahnd.

Freiwillig machad mir so viele Sacha
Und land geara dia andre drüber lacha
Weil des so wie so koiner verschtad
Was ma von so viel Freiwilligkeit doch hat.

Freiwillig unterschtütz mer all dia Leit
Dia gegaüber uns doch Siebag’scheit
Und land freiwillig unser Arbeitsplatz sei
Dr’mit der a bissle meah Geld schiebt ei.

Freiwillig schaff mer fer an karga Loah
Und send froah das mer was hand zum doa.
Guckad all das dr Gewinn auch schtemmt
Und unserm Chef dean au koiner nemmt.

Freiwillig send mir en deam Land
En deam mir send a so anerkannt,
Freiwillig isch mancher a arma Sau
En unserm reicha Land scho au............