Dia Poscht – flexibl und Kundafreundlich.....

...so kennt ma des scho saa. Flexibl und schnell, voar allem dann wenn es um's umziah gad, en nuie Läde. Denn kaum hat ma sich an oin g'wöhnt und ma woiß wo ma na muass, nau kommt scho wieder a nuier Lada en Betracht. Und dau soll natürlich dr Kunde immer no schea Freundlich bleiba, des bedeutad dann Kundafreundlich. Na ja, und Service hand se ja au an guata, denn so schnell ka ma gar net gucka wia dia Poscht scho wieder d'Läda nui eirichta duat das alles lauft, au wenn ma se dann a paar Wucha schpäter wieder zua macht. So wars bei dem PoschtPoint beim Knöfl, ma hat scho g'wisst das a paar Meter weiter a nuier Lada, des mal en ma Reisebüro, aufmacht, hat ma em Knöfl no schnell a nuie Einrichtung verpasst. Vier Wucha schpäter wieder abg'holt. Des nennt ma nau Arbeitsbeschaffungsmaßnahme bei dr Poscht. Na guat, dr'für wed halt am Montag bald koi Poscht meah komma, denn irgendwo muass ja wieder eig'schparad werra. Das ma en Krumbach wieder zwoi Anlaufschtella hat, so hat jetzt dr nuie Edeka, dussa wo friaher dr Marktkauf war, der ja au em Edeka g'heart, an PoschtPoint und Parkplätz. Des hat ma henna em Reisebüro koine, dau muass ma Päckla scho weiter trage, und au des Geld, des ma dau abhola ka, weil au bloß dau Poschtbank isch. Echt flexibl und Kundafreundlich und Bürgernah........

Weiterveröffentlichungen:

myheimat-Stadtmagazin krumbacher | Erschienen am 09.10.2009