Eine Fahrt ins Blaue

Bildergalerie: 43 Bilder

1

Einmal ein kleiner Reisebericht anders........
a la Luis Walter

Wia weit ma heit em Auto fährt
Weil ma was b’sonders will.
Wia oft ma dau em Schtau doch zehrt
Und ewig braucht zum Ziel.
Ja grad bei deam so hoha Preis
Was uns dr Schprit heit koscht,
dau denk i mir dann oifach leis
i fahr ganz oifach gen Oscht.

Mal schnell und kurz auf d’Autobah
Und hinter Landschberg ra,
Weil ma des no genießa ka
Und dann zum Süda na.
En Wessobrunn, dau mach i halt
Und guck mer Gegend a,
A Lind in ihrer scheaschta G’schtalt
Und s’Kloaschter neaba da.

Dau send mir au dia Berg scho näh
Ja fascht zum greifa dau,
I sieh vom Winter no da Schnee
Und mecht eahn au dau lau.
Und nau gad’s weiter Weilheim zua,
A wonderscheana Schtrauß,
Dia fahr i dann en aller Ruah
Und auf ganz ohne Schtau’s.

Nau gang i z’Fuaß durch d’Innaschtadt
Und sieh von weitem Kurch,
Was Weilheim für Fassada hat
Gad oim glei durch und durch.
Von deaner alta Mauer no
Schtad au so manches Schtuck,
Von inna au Kurch so wie so
I mir doch au a guck.

Und g’miatlich gad nau meah dia Fahrt
Beim warma Sonnaschei,
I fahr nau zu der Wetterwart
Ja scho a mal au glei.
Am Hoha Peißaberg dau dob
Sieht ma schea übers Tal,
A frisches Wendle gad, Gott Lob
Au zwischa nei a mal.

I gang dau en dia Kircha nei,
Ma kloina Wallfahrtsort,
Und nemm dia g’nau en Augaschei
Wenn i scho mal bi dort.
Ja em Antonius isch’s gwiah,
Ma tolla Schutzpatro,
Dean i scho braucht hau en dr Miah
Und g’holfa hat all no.

So langsam g’miatlich gad’s meah hoi
Und Bayern eins am Oahr,
Genieß dia Fahrt so ganz alloi
Und komm mer himmlisch voar.
I denk mir wia schea Bayern isch
Mit welche scheana Fleck,
wia geara dau dahoi au bisch
und mechtsch von dau net weg.

Und nau verschtand i au dia Leit
Dia von arg weit send her,
Send alle dau her g’fahra weit
Und des bei deam Verkehr.
Wia schea dass i so näh bi dau
Und öfters komma ka,
ja au dia Preißa kommad au
am liabschta en Berg na........

1

2