Der Herbst und seine zwei Seiten.....
...die mit Arbeit und mit genießen verbunden sind. Zum einen das zum Nachbarn, auf die Straßen und Gehwege schwebend Laub, das beseitigt werden muss. Manche machen hiermit auch für die Igel ein Winterquartier.
Und dann eben die herrlich schönen Farben, die uns die Natur kurz vor dem Winter nochmals schenken möchte, vielleicht als kleine Anerkennung das wir den Winter ausharren müssen......
Jetzt durch d’Landschaft fahra
deant sich Farba offenbara
dia ma halt em Herbscht bloß sieht.
Wia em Friahling Knoschpa bliahad
und ihre Düft en d’Näsa ziahad
ähnlich’s im Herbscht nau au g’schieht.
Des Laub in de Wälder
und au duß dia ganze Felder
hand jetzt an ganz oig’na G’schmack.
Au dia Luft riacht anderscht
wenn durch D’Flura wandersch,
aber der isch ganz g’wieß au net lack.
Blätter liegad Roihaweise
und mitta dren Hundescheiße
in dia ma zwischa drin nei trabbt.
Mit Arbad isch er au verbunda
und ma opfrad manche Schtunda
das ma s’Laub von dr Schtrauß weg hat.
Des send dia net so scheana Seita
dia aber dau send zu alle Zeita
und ma neimmt se au geara a.
Wo ma sich muass mal plauga
geit’s au Scheas fer manche Auga
des ma so geara a guckad ka.
So frei’mer uns doch a de Farba
und net an des entschtand’ne Narba
dia uns jetzt des Jauhr no geit.
So erschaffa isch halt dia Natur
und mi dau drin als Kreatur
dia dia genießa soll a jeda Zeit.......
Mit dem Aktivieren des Buttons erlauben Sie einen begrenzten Datenaustausch mit Facebook. Mehr dazu rechts unter .