Mein goldiger Garten-Spatz.

Friedberg: Bei Fischers | Der Garten –Spatz

Jetzt sitz i heraußd vor unserem Haus
und rast mi a wenig vo der Sommerhitz aus.
I hab zu meim Maßkruag voi süffigem Bier
no an winzigen, lustigen Spezi bei mir:
Der Biergarten-Spatz, den i Kasimir nenn,
der frechste am Platz, den i quasi guat kenn.
Denn wiar i da her zu meim Liablingsplatzerl kumm,
scho pfludert und hupft er voi Freud um mi rum.
Der woaß, dass er ned umasunst zu mir fliagt,
dass er jedesmoi vo meiner Brotzeit was kriagt.
Vo der Brezn de Bräserl, vom roggenen Weckerl,
vom Kas und vom Ripperl oft übrige Bröckerl.
Und weil er se grad um an Kas a so rauft,
drum hab i mein Spatzenfreund „Kasimir“ tauft.
Und was i eahm hinwirf, er kriagt ja nia gnua,
i schau dem kloan Racker scho gar zu gern zua.
Doch wenn i eahm endlich koa Bröckerl mehr gib,
na schaugt er mi o und pfeift lauthals „Piep-piep“.
Dabei hats der Lauser recht guat im Vergleich
ois kräftigster Spatz in seim Gartenbereich.
Es geht halt dem Spatzerl genauso wia mir,
I denk so gern übers Leben staad nach
Im Garten unterm Kastaniendach.
Des is scho der gmüatlichste Platz
Für mi und mein goldigen Garten-Spatz.

Der Garten –Spatz in Deutsch

Jetzt sitz ich heraußen vor unserem Haus
und raste ein wenig von der Sommerhitze aus

Ich habe zum voll süffigem Bier
Noch einen winzigen, lustigen Spezi bei mir:
Der Biergarten-Spatz, den ich Kasimir nenne,
der frechste am Platz, den ich sehr gut kenne.
Denn wie ich da zu meinem Lieblingsplatz komme,
schon flattert und hüpft er voll Freude um mich herum.
Der weiß, dass er nicht umsonst zu mir fliegt,
dass er jedes Mal von meiner Brotzeit was kriegt.
Von der Brezel die Brösel, von der Roggensemmel,
vom Käse und vom Ripperl oft die übrigen Brocken.
Und weil er sich gerade um den Käse auch so rauft,
darum habe ich meinen Spatzenfreund „Kasimir“ getauft.
Und was ich ihm hinwerfe, er kriegt ja nie genug,
ich schaue dem kleinen Racker schon gar zu gerne zu.
Doch wenn ich ihm endlich keine Brocken mehr gib,
dann schaut er mich an und pfeift lauthals „Piep-piep“.
Dabei hat es der Lauser recht gut im Vergleich
als kräftigster Spatz in seinem Gartenbereich.
Es geht halt dem Spatz genauso wie mir,
Ich denke so gern übers Leben still nach
Im Garten unterm Kastaniendach.
Das ist schon der gemütlichste Platz
für mich und meinen goldigen Garten-Spatz.