So gohts Bobinga zua
En Augschburg war vor langr Zeit,
a´ Rechtsawalt ganz bsondrscht gscheit.
Ja sellmols kommt bei der Kanzlei,
a´ Bursch aus Bobinga vorbei.
Ond jammrat „es goht om sei Leaba“,
an guata Roat soll ma eahm geaba.
Weil eahn ma bstellt hot aufs Gericht,
gar draurig war deam Bua sei Gsicht.
Dr` Advokat so furchtbar gscheit,
war zu am guata Roat bereit.
An Richter kah ma ganz leicht schnella,
du muasch di oifach deppat stella.
No schickt ma di auf freien Fuaß,
doch vergiss neamols dein Gruaß.
Tatsächlich dann vor deam Gericht,
ham´s gmoint dees Biable sei net dicht.
Ah jeda Froag gstellt an dean Bua,
do heart ma „So gohts Bobinga zua“
Ganz oigaartig isch dees Gschieß,
er schiabt dr Fengr ontr´d Nies.
Von rechts noch links schiabt er sei Hand,
deam Bürschle fehlts doch am Vrstand.
Fiar´s Biable wars von groaßam Nutza,
beim Fengrschiaba, Rotzglock putza.
Ond bei deam ganza Schabrnak,
bleibt´s Daschaduach em Hosasack.
Dia Richter ham recht dischkuriert,
sodann dees Urteil präsentiert.
Weil er net dicht em obra Stiable,
deshalb an Freispruch fiar dees Biable.
Denn alls was frogsch, hearsch blos vom Bua,
„ja so gohts Bobinga halt zua“.
Dees Schlitzohr hots se furchtbar gfreit.
Er stellt se bleed, dees war recht gscheit.
Jedoch dia Freid von kurzer Dauer,
weil doch dr Rechtsanwalt ein Schlauer.
Hott Er deam Biabla Rechnung gstellt,
weil guadr Road, der khoscht halt Geld.
So isch´s halt mol auf deara Welt,
dass bloß dr schnöde Mammon zählt.
Dees war deam Biable gar it recht,
weil er koin Kreiz´r zahla mächt.
Do fallt deam Biable grad no ei,
dean Advokat dean leg i rei.
Dr Rechtsanwalt der macht Gfries,
dr Bua schiabt Fingr untr´d Nies.
Sagt „Advokat loß mir mei Ruah“,
„so gohts Bobinga halt zua“.
Fiarn Advokat nur Spott ond Hohn,
er wartet heit no auf sein Lohn.
D. Elmer © 2005
Hihihi!!!
Soooo gehts also in Bobingen zu!
Wennst dir anstellst, als seist bleed
Wirscht glei aufs freien Fuß g´stellt!
Witzig geschrieben! Wundervoll in der Mundart! Ich bin begeistert!!!!
Liebe Grüße
Karola
Dank fiar dia Begeischterung.
Dia ganza Gschicht beruht fei auf Tatsacha.
Deam "Bobingr Biable" hot ma sogar en Bobinga a Denkmahl gsetzt.
Liabe Griaß, vom Dietr
Mit dem Aktivieren des Buttons erlauben Sie einen begrenzten Datenaustausch mit Facebook. Mehr dazu rechts unter .