Herbschtneabl
Aus meinem ersten Buch "Spitzbuaba ond Maulschella", aus dem Jahr 2003, passend in diese schöne Herbstzeit.
Dr Rauch flagt bleiern auf am Land,
ond graue Fahna ziagan´d.
Gloitet wia von Goischterhand,
wenn schwarze Schatta fliagan´d.
Verdrimsalt ond verstohla- schleichan´d,
dia Gschtalta wia Gespenschter.
Wias huaschtan ond wias kaichan´d,
dort hentar liachte Fenschtr.
A Kod´r schleicht do om da Schpriegl,
ond jagt mr ei an Schreck.
A Raab schlagt bleischwer mit de Fliegl,
dr Boale huscht oms Eck.
A graur Ma ziahgt om de Haisr,
er schloift ganz hoimle durch dia Gass.
Straichr stand´n do wia Raißr,
dr Mond er schimmrad dasig blass.
A Zeit wo gmacht isch fiar dia Goischtr,
so drimmslat wia dia Nacht.
Dr Neabl isch em Herbscht dr Moistr,
ond hot dia greaschta Macht.
© Dieter Elmer 2003
Mundart ist immer wieder schön! Und Deine schwäbisch gefärbte, ganz besonders. Ich mag das sehr! Ich hab's mir ausgedruckt, o.k.?
Mit dem Aktivieren des Buttons erlauben Sie einen begrenzten Datenaustausch mit Facebook. Mehr dazu rechts unter .